خاشقجی کے حادثے کے بارے میں سعودی عرب کے ولیعہد آگاہ ہیں

مہر خبررساں ایجنسی نے این بی سی کے حوالے سے نقل کیا ہے کہ اامریکی خفیہ ادارے سی آئی اے کے سابق سربراہ نے این بی سی کے ساتھ گفتگو کرتے ہوئے کہا ہے کہ جمال خاشقجی کے حادثے کے بارے میں سعودی عرب کے ولیعہد محمد بن سلمان آگاہ ہیں۔ سعودی عرب کا انکار فریب پر مبنی ہے۔جان برینن کا کہنا ہے کہ بعید ہے کہ سعودی عرب کے ولیعہد محمد بن سلمان جمال خاشقجی کے حادثے کے بارے میں بے خبر ہوں۔ برینن کا کہنا ہے کہ اگر خاشقجی کسی ہوٹل یا اپنے گھر سے لاپتہ ہوتے تو سعودی عرب کا دعوی قبول ہوسکتا تھا لیکن خاشقجی ترکی میں سعودی عرب کے قنصلخانہ میں لاپتہ ہوئے ہیں اور اس بارے میں سمعی اور بصری ٹھوس شواہد موجود ہیں۔